Gioventura Piemontèisa, quàich mèis fà, a l’ha avù la bela idèja ‘d cheuje desmila firme da presenté a la Region për ch’as fassa na lege a tùa ‘d nòsta lenga.
Bin, le firme a son adess pì che 12mila. Do – des – mi – la. Dodesmila përson-e, piemontèise e nen piemontèise, ma tute con l’idèja ch’a l’é nen giust ch’i lasso meuire costa lenga sensa fé gnente – a l’han firmà.
Lùn-es 27 giugn 2011 a mesdì, ant la sala ‘d Gioventura Piemontèisa an contrà ‘d San Sgond 7 bis a Turin, a-i sarà conferensa stampa ‘d presentassion. Le firme a saran peui conferìe al Burò dla Pressidensa dël Consej Regional dël Piemont a tre bòt meno un quart.
E peui quaicòs a sarà. Ma antratant a venta dije un gròss “mersì” a j’amis ëd Gioventura.
Commenti
e l’archeujta a séguita:
vardé che bel video musical:
http://www.gioventurapiemonteisa.net/?page_id=2803
a l’arvista
I deuv arcordeme ‘d gionté ‘l boton “Am pias” ëdcò për ij coment