I vorrìa fé quàich considerassion an sij mojen ch’a l’han le masnà për avsinesse a nòsta lenga (o almanch nen slontanessne tròp), an partend da cost video dl’amis Gioanin Ross, girà quàich di fà a la festa dël Sol ëd j’Alp.
Già, La crava ch’a l’ha rotme ‘l bot e La monfrin-a a fan part ëd nòste rèis, ëd nòsta stòria e ‘d nòsta coltura – e son a l’é nen dipendent da lòn ch’an capiterà, da lòn ch’i saroma o da lòn ch’i penseroma.
Mago Prezzemolo e Enzo Vacca, ant tra j’àutri, an fan capì come la mùsica a sia na còla bela e vajanta an tra le generassion, quaicòs ch’a gropa giovo e vej.
Ël piemontèis a meuir, a smija. E bin, vardand coste masnà a smija nen.
Commenti
É, poesìe, canson e filastròcole, con sò ritm e soa strutura, a son na bela manera për anstruì ij gognin an amusandje. A l’é lòn ch’a l’avìa possà Clivio a publiché le poesiòte ch’a l’avìa anventà për soe masnà. Na bela cujìa ëd canson e filastròcole a l’é ‘l disch ëd Roberto Balocco «La stòria a l’é bela…»