Ancheuj i la foma curta.
I l’hai scorù ij 52 articoj publicà ambelessì dël 2013, e i l’hai torna lesù con piasì tanti tòch scrit da amis – Fabio Scaliti, Dragonòt, Carlin Pòrta, Michel dij Bonavé, René Agagliate.
Sensa conté la corispondensa privà ch’i l’hai con quaidun dij mé vintesingh letor – ma i pens ch’a sia pì giust dì dij nòsti vintesingh letor, përchè la stòria a l’é un pòch com ch’i disìa un pàira d’agn fà ansima a Brainfood:
Dei contenuti non so giudicare, ma questo mio diario pubblico è diventato una sorta di amico per me. Non solo un luogo di confronto e discussione, ma anche un oggetto che – in quanto pubblico – non mi appartiene più. Ovvero penso che gli articoli che si trovano qui non sono miei, ma sono di tutti, perché a tante persone, a tanti blog, a tanti libri eccetera devo gli spunti che hanno composto col tempo questo luogo. Insomma considero questo work in progress un “bene pubblico”.
Donca cost a l’é un leu anté che mincadun a peul dì la soa: parèj l’arzultà final a l’é pì pien e bel e complet rispet a lòn ch’i podrìa fé mi da sol.
Donca, për dila s-cetament, cost a l’é un cit ringrassiament a tute cole përson-e ch’as fërmo ambelessì, minca tant, për vëdde lòn ch’a-i càpita, s’a-i é dle neuve, magara për gionté un cit lambel a la conossensa ‘d nòsta lenga.
Commenti
L’aringrassiament a l’é tut për ti, car Gianni. Për mi ës pòst a l’é parèj d’un salòt d’amis, ch’as van a trové apress na giornà ‘d travaj, o dòp ch’as son butasse le masnà a deurme. Un a-i va për vëdde chi ch’a-i é, pr’ëscoté, për dì la soa. Dle vire, sconda dl’umor, i foma ël canton dij barboton; d’àutre i vnoma sì bele mach për partagé un silensi, un ëd coj silensi dont ij piemontèis a son dë specialista, ma ch’a buto an comunion istess. Comsëssìa, as trata ëd n’abrì ëd pas, na cita gòj, un randevó ch’an rend la sman-a pi bela. An piòta!
Che bel coment Riccardo, anans parèj!
I l’hai scrivù gnente përchè a-i era pì gnente da gionteje. Riccardo a l’ha già dit tut lòn ch’i penso, o mej, ch’i pensoma tuti e vintesingh. Brav!
òila “25 letor”!
a sarìa nen bel ancontresse na vira ‘d përson-a?
què ch’i në dise?
Lissànder