Multilingual, un-a tra j’arviste d’arferiment quand ch’as parla ëd lengage, tecnologìa e tradussion gropà al travaj, a publica ant ël nùmer ëd dicémber un mé artìcol anté ch’i present nòsta lenga a un pùblich slargà, disoma anternassional.
L’artìcol a fà na cita stòria ëd nòsta lenga, a parla ‘d gramàtica, ëd lèj, ëd mùsica e ‘d Barba Tòni (a podìa manché? :-)).
Chi ch’a fussa anteressà a leslo (an inglèis, naturalment) a na treuva na cobia ambelessì.
Ij coment, as capiss, a son sempe bin agradì.
Commenti
Cerea monsù Davico.Mersì për sò bel artìcol (e për so vajant ëscartari). I son tut afàit d'acòrd con chiel: a venta ch'i parloma piemontèis a nòstre masnà. Peui a ventrìa ëdcò trové la manera ëd feje rancontré antra 'd lor, përchè ch'as sento nen diferent da j'àutri.I na profito për ciameje un piasì: dagià che chiel a les «La Slòira», podrij-lo gionté ambelessì (http://pms.wikipedia.org/wiki/Wikipedia:L%C3%ACber_che_as_consejo) al fond ëd la pàgina, 'me ch'as fa për abonesse? I chërdo ch'a sarìa n'anformassion ùtil për tanti (a ancaminé da mi).Mersì e bin obligà,Riccardo
Mersì a ti, Riccardo (scusa, it conòss nen ma con ël ti i foma bon ben prima)."La Slòira" (Via Turin, 82 – 10015 Ivrèja (TO), Tel. 0125 430.82): l'abonament a costa EUR 23 për n'ann (4 nùmer), da versé an sël CCP n. 24194102 antestà a La Slòira.I l'hai giontà coste notissie ansima a cola pagina dla Wikipedia, e i sper che Bèrto e Dragonòt a fasso un pò d'editing (ma i son sicur ch'a lo faran).Dij cit: sì, naturalment a l'é un problema. Mi i l'hai nen na solussion, però i sai che quand ch'i son da Batista la solussion a l'é pì davsin a truvesse.Mersì, mersì, alegreG.
[…] Piedmontese, an endangered language A pro dle lenghe regionaj, con cognission dic 10 […]