Na comunità, un dialèt e un cheur gròss parèj

Ier i l’oma fàit lë scond (e ùltim, almanch për adess) ancontr ansima a la grafìa dël montomalèis a la scòla dla Piata ‘d là.

Sté lì, dëdnans a na vera lavagna con dij ver giss a scrive dle paròle e dij grafema am dasìa, an soa semplicità, na gròssa sodisfassion. E ancor ëd pì vëdde che coj segn a tiravo l’anteresse ‘d chi ch’a l’era present.

Finì l’ancontr a l’han presentame un cadò. Im lo spetava nen, e për sòn a l’ha fame ancor pì piasì. A l’é stàit come esse “acetà” andrinta a na comunità. (A l’é pro vèj che mi i vad da cole bande da squasi quarant’agn, ma për cola gena tuta piemontèisa a l’é sempe stàit difìcil, për mi, seurte da ca e aussé la man. Bin, adess i l’hai falo e i son content.)

Con piasì i l’hai vist, an coste doe sèire, la partecipassion ëd tanti giovo. Sòn a l’é bel, come dël rest a l’é natural e normal për lor comuniché an montomalèis.

Mi për prim i l’hai amprendù diverse ròbe ch’i savìa nen, e dle paròle ch’i m’anmaginava nen a podèisso esiste (“arivai”, pr’esempi, për dì “arrivati”; o “anviton” për “invitano”): a-i é tanta lenghìstica pronta për esse studià, an col cit paisòt con l’anima andrinta.

Sòn a buta dle cite basi për scrive na gramàtica dël dialèt parlà a Montomal: nen pensà come n’euvra académica, ma fàita an manera sempia, ch’a part da la realtà ëd minca di e lì a ruva.

Me cari montomalèis, mi iv ringrassio.

Commenti

Philippe Frattino ha detto:

Signore, la ringrazio per questi biglietti sulla sua esperienza del scrivere in Piemontese con i corsi datti a Montemale. Sono Francese, vivo sulla Costa Azzurra ma i miei nonni errano di Santa Lucia in Coumboscuro, e leggere le sue parole in Piemontese mi fa ricordare la mia gioventù. Capisco et parlo un po il Piemontese e leggervi e un allenamento fantastico.
Non smettere di darci queste buone parole.
Grazie ancora.
Philippe

giannidavico ha detto:

Grazie di cuore mio caro Philippe! Io a volte mi chiedo perché faccio tutto questo (proprio oggi pensavo: ma non sarà il caso di smettere di registrare i miei pensieri qui? ma davvero non conosco maniera più proficua di impiegare il mio tempo?); poi però arrivano commenti come questo suo e allora capisco. Grazie grazie grazie

Lascia un commento