Na ròba cita.
Ier sèira.
Na vinten-a ‘d përson-e a son trovasse – na moderna vijà – a scrive ant la lenga dël pòst.
Përchè a l’é na ròba importanta.
A l’é cita – as capiss -, ma a l’é bel savèj scrive la lenga ch’it parle mincadì.
Na ròba cita. Bela. Grassie a chi ch’a j’era. Màrtes i ripetoma.
E peui a l’é capitame n’àutra ròba: ier sèira i l’avìa dëscurbì che l’ancontr a sarìa nen stàit a la scòla ch’i pensava mi. Peui stamatin i son andàit con la cita cita a sërché un lìber ch’a l’avìa dësmentià. Combinassion a j’era ant la scòla dla Piatta ‘d sa. Për cas i l’hai conossù le doe përson-e ch’a masento l’arfugi. Brave përson-e. A l’é bel avèj dj’avzin ch’a son përson-e ‘d cheur, com ch’a l’é bel fé part – bele se na cita part – ëd na comunità.
Doe ròbe cite, doe ròbe bele.
Commenti
compliment Gianni, mi pens che ‘l travaj ch’it has ancaminà a la Piata sia bin amportant e fosonant.
Grassie Lissànder! An efet la partecipassion a l’é stàita bondosa, a rispet al nùmer dj’abitant dël pais; e da lòn ch’i l’hai capì chi ch’a l’é mnuit a l’é stàit content. Përchè ch’a l’é bel scrive la lenga ch’it parle mincadì! 🙂
E peui na ròba a na pòrta n’àutra: i pens ch’i seguiteroma a fé dle ròbe parèj. I na darai cont prest ambelessì.
[…] Grafià montomalèisa a la scòla dla Piata ‘d là lug 23 […]
[…] la prima dle doe ciaciarade ansima a la grafìa dël dialèt ëd Montomal (i l’hai parlane ambelessì), e i l’oma conossusse con le përson-e ch’a masento l’arfugi La […]