cita amusandse
Buté le ròbe an prospetiva a l’é amportant.
I son andàit an montagna, ier, con la cita cita. I l’oma giugà con la fiòca, i l’oma tirà ‘d pere ant l’eva, ròbe parèj.
Peui, për arcuperé, i l’hai travajà ier da ses ore a des e mesa, ma lòn ch’a-i na fà? A la finitiva a son coste le ròbe ch’am resteran dle cite quand ch’a saran grande (“quand ch’a saran”, un-a a l’é già squasi granda adess – e difatti për mi a l’é la “cita granda”).
I son stàit content con mia cita contenta, lòn ch’a-i é ëd pì significativ ant la vita?
E antlora a ven a taj Nino Costa:
Quand ch’a-i rivrà l’ora pì granda: l’ùltima
e ch’am ciamran lòn ch’i l’hai fàit ëd bel
mi rispondrai ch’i l’hai guardà le nìvole
le nìvole ch’a van… travers ël cel.
Ecco, le nìvole a son figura – ant ël sens auerbachian dël termo – dle cite. E son a basta.
Commenti
mi sun nen bun a scrive an piemunteis e gnanca a girule cun er compiuter,ma ti che ed tut son et se an prufesur,dane na man a scrive per la “””VIJA'””””. Caro Gianni,dovrebbe farti la richiesta quel furbo vicino di casa che hai( leggi Vincenzo Tedesco) ,mentre io girando su internet alla ricerca di testi per scenette sei comparso TU (non chiedermi come),ed allora mi sono permesso di disturbarti. Se vuoi metti quel grande bagaglio dialettale che hai,aiutando ascrivere qualcosa per la VIJA’ di Chieri, in modo particolare stranot o scenette comiche,perche l’essere allegri ” a le meta’ vivi””, e ricurdumse sempi che a fe der bin a le mai mar fait.Ciao Angelo 3386813705
Angelo, ciao, probabilment ël colegament a l’é con ël liber djë stranòt cudì da Cesare Matta e Valerio Maggio (https://giannidavico.it/gopiedmont/2014/02/19/je-stranot-ed-cher/ – mi i l’avìa curane la grafìa).
Censin a l’avìa pro invitame, ma mi i l’avìa declinà përchè ars longa vita brevis. Sicurament i peuss corege ij tòch (ma i sai nen vàire ch’a peussa serve). An tute le manere i mnirai a na vòsta riunion, s’av fà piasì, e varderoma s’i peuss serve a quaicòs. Ciao e alégher!
Brau ti, ben parla!!
Grassie Philippe! An efet i pens che se i parl a sia pì belfé për chi a scota rispet al lese; però lë scrit a l’é important, e donca i pens ch’i lo butrai sempe. Ciao!