La neuva a ven da Lissànder Motin (për lese quaicòs ëscrit da chiel as peul andesse ambelessi, ambelessì e ambelessì), e donca a chiel la paròla:
La Comun-a e la Pro Loco ‘d Moncravel a soagno ‘l prim concors literari ‘d poesìa e pròsa an lenga piemontèisa.
ARGOMENT: lìber
SESSION:
1) poesìa
2) conta
CONDISSION:
• usage dla grafìa unificà conform a la codificassion dla Companìa dij Brandé
• a vniran acetà ëdcò euvre scrite con ëd grafìe “lìbere”
• minca un partecipant a podrà concore con un màssim ëd n’euvra për session
• ij travaj a dovran nen passé le 4 facià ëd papé formà A4 për la session conta e le 2 facià për la session poesìa
• tute le composission a dovran esse anédite
• ij travaj a andaran spedì an 4 còpie contnùe an n’anvlòpa. J’euvre a dovran esse sotsignà con na stranòm. Nòm, nòm ëd famija, adressa, data ëd nàssita e a andaran anserì an n’anvlòpa pì cita con scrit a sò estern la stranòm dovrà
COTISS: pa ‘d nen, partecipassion a gràtis
SCADENSA: j’euvre a dovran esse adressà ant ij 31 ëd mars del 2013 a:
Comune di Moncrivello, Assessorato alla Cultura
piazza Castello 6
13040 Moncrivello
PREMIASSION: la premiassion as tnirà ant la sala consijar dla Comun-a ëd Moncravel a 10 ore dla matin dij 28 d’avril 2013
PREMI:
• papé ëd mérit e cavagnin gastronòmich ai prim 3 classificà ëd minca session
• un prim premi al partecipant pì giovo
• un prim premi al partecipant pì ansian
• un premi special al prim classificà ëd “Moncravel e anviron”, ch’a sia a soa prima partecipassion a un concors ëd piemontèis
• ij premi a podran esse artirà ëd përson-a o trames un delegà ant la giornà dla premiassion
Dòp la premiassion a-i sarà la possibilità ëd disné anté la Pro Loco.
Commenti
dumìnica ij 28 d’avril, 10 ore la matin an comun-a a Moncravel, premiassion dël concors … për nen avèj avù gnun-e sovension gnanca për fé fin-a mach ëd manifest, a-i é staie na quaranten-a ‘d partecipant con ëd përson-e a soa prima partecipassion a ‘n concors literari (an lenga piemontèisa o nen), con pì chE 50 euvre tra pròsa e poesìa, pa mal për mè cunt. ah! I SEVE TùIT ANVITà
A l’é un bel arzultà: ij nùmer a podrìo nen esse gròss, ma costi a son pa cit. Brav Lissànder!